الخرم +18

قبل ما دماغك تروح بعيد وعقلك يشطح بيك , الخرم ده عاداتنا وتقاليدنا ومناهجنا الشمال فى الدنيا ومستقبلنا القمىء التايه فى وسط إخرام الحياه ! , الى يوم بعد يوم بتزيد فينا ومع الوقت الخرم بيوسع يوسع , لحد مابقيت انا وانت وناس كتير حوالينا مخرمه , مخرمين فى كل حاجة جوانا , من يوم ماتولدنا وكل شىء بنكتسبه بطريقة غلط بيوسع الخرم اللى فينا , لحد مابقينا زى البلونه , نتنفخ نتنفخ ويجى فى الاخر الخرم يفسينا ! ونرجع تانى بالونه , الدنيا تنفخ فينا ونرجع نتفسى , ونلف ونرجع ليكى يادنيا عشان تنفخينا !! , يانسد الخرم ده , يانسيب الدنيا تخرم فينا ! لو شايف نفسك مخروم فى عقلك فى مستقبلك فى دينك فى دراستك فى شغلك فى حياتك عمتا , هاتلاقى نفسك فى الهرى اللى مكتوب ده