IVCO Тарилгын Эмийн Үйлдвэр

АЙВИКО ХХК нь 2004 онд Их Британи, Австрали, Тайвань, БНСУ, Монгол улсын хамтарсан хөрөнгө оруулалттай байгуулагдсан. Эрүүл мэндийн салбарт нэн чухал шаардлагатай 30-аад нэрийн судсаар сэлбэх шингэнийг үйлдвэрлэж эрүүл мэндийн байгууллагуудыг тасралтгүй хангаж байна.

Монгол улсаас анх удаа олон улсын болон үндэсний GMP (Good Manufacturing Practice) буюу Үйлдвэрлэлийн Зохистой Дадлын шаардлагыг бүрэн хангаж батламж авсан, Чанарын удирдлагын ISO 9001 тогтолцоог үйл ажиллагаандаа цогцоор нэвтрүүлж буй Монголын анхны судсаар сэлбэх тарилгын шингэний үйлдвэр юм.

АНУ-ийн ROMACO группын Франц дахь салбар IPM компаниас нийлүүлсэн зориулалтын байр–модуль, IPM болон БНСУ-ын FINE F.A.C компаниас нийлүүлсэн тоног төхөөрөмж khow-now-тай.

2009 онд БНСУ-ын FINE F.A.C компанитай хамтран тоног төхөөрөмжийн өргөтгөл хийн хүчин чадлыг нэмэгдүүлсэнээр үйлдвэрлэлийн тоо хэмжээг жилд 8 сая ширхэгт хүргэн эрүүл мэндийн байгууллагуудыг аюулгүй, эмчилгээний өндөр идэвхитэй, чанарын баталгаатай судсаар сэлбэх шингэнээр тасралтгүй хангаж байна.

2013 онд бага эзэлхүүнтэй тарилгын уусмалын үйлдвэрлэлд дэлхийд тэргүүлэгч савлагааны дэвшилтэт технологи болох ПП(полипропилен) буюу пластик савлагаатай тарилгын уусмалын шинэ шугам нэвтрүүлсэн. Энэхүү шугам нь жилд 15 сая ширхэг тарилгын уусмал үйлдвэрлэх хүчин чадалтай юм. Мөн нэр төрлөө тогтмол нэмж хэрэглэгчдэд ямар нэгэн эрсдэлгүй, аюулгүй, чанартай тарилгын уусмал нийлүүлж байна.

Манай компани нь дэлхийд системийн хөгжүүлэлт, програмын шийдлээрээ тэргүүлэгч Odoo apps компаний OPEN ERP байгууллагын нөөц төлөвлөлтийн системийг 2013 оноос хойш идэвхтэй хэрэгжүүлсний үр дүнд 2014 онд компаний бүх хэсэгт амжилттай нэвтрүүлж чадсан. Манай компани цаашид үйл ажиллагаагаа өргөжүүлж дэлхийн түвшинд өрсөлдөхийг хүсвэл үйлдвэрлэл, бараа бүртгэл, санхүү, борлуулалт гэсэн хэсгүүдэд уг системийг амжилттай ашиглаж илүү хөгжүүлэх нь чухал юм.

GMP шаардлага хангасан

ДЭМБ-аас эмийн бэлдмэл үйлдвэрлэж байгаа бүх үйлдвэрт чанар, аюулгүй байдалд нь анхааран нэгэн ижил шаардлага тавьж ирсэн.

Эмийн үйлдвэрлэлийн зөв зохистой явуулах удирдлагын тогтолцооны үндсэн зарчим болон үйлдвэрлэлийн үйл ажиллагааны бүхий л хүрээнд тавих шаардлагыг GMP буюу Үйлдвэрлэлийн Зохистой Дадал-р тогтоодог

Өөрөөр хэлбэл, эмийн бүтээгдэхүүнийг аюулгүй, чанарын баталгаатай үйлдвэрлэхийн тулд үйл ажиллагааны тасралтгүй, хоорондоо нэгдмэл тогтолцоог хэрэгжүүлэхийг шаарддаг.

GMP (Good Manufacturing Practice )-ийн шаардлагыг бид дараахь байдлаар ханган ажиллаж байна. Үүнд :

Мэргэжлийн, мэргэшсэн, сургасан боловсон хүчинтэй Тарилгын шингэний үйлдвэрлэлийн зориулалтын байртай GMP-ийн шаардлага хангасан тоног төхөөрөмжтэй Монгол улсын эмийн бүртгэлд бүртгэлтэй түүхий эд, материал хэрэглэдэг GMP арга ажиллагаа, баримтжуулалт

Манай компани нь нийт 100 гаруй ажиллагсадтай бөгөөд эдгээр ажилчдын 30% нь мэргэжлийн эм зүйч, эрүүл ахуйч, химич, инженер, бусад мэргэжлийн боловсон хүчнээс бүрддэг.

Мөн ‘IVCO’ компани нь гадаад дотоодын, тэр дундаа Франц болон Бельги улсуудын зөвлөх болон аудитруудтай байнга хамтарч ажилладаг нь манай бүтээгдэхүүнийг олон улсад өрсөлдөх чадвартай болгодог.

Манай компани нь бүтээгдэхүүний түүхий эдийг дараах орнуудаас нийлүүлдэг.

•      Дани – PHARMACOSMOS
  

•      Словак – SANECA PHARMACEUTICAL
  

•      Япон – KYOWA
  

•      БНХАУ – SHANGHAI, TIANJIN
  

•      Герман – PHARMA-ACTION
  

•      Недерланд – Corbion Purac
  

Бид дээрх орнуудын олон улсын болон үндэсний GMP гэрчилгээгээр баталгаажсан нэр бүхий үйлдвэрүүдээс нийлүүлж ажиллаж байгаа нь манай бүтээгдэхүүнийг үйлчилгээний өндөр идэвхитэй, аюулгүй, элдэв сөрөг нөлөөгүй байлгах чухал үзүүлэлт болж байна.