Azerbaijan Booktrailer Festival

Buktreyler – kitabın məzmununu vizuallaşdırmaqla oxucular arasında təbliğinə istiqamətlənmiş, onun ən parlaq və tanınan anlarını özündə əks etdirən video çarx, tizerdir.

Buktreyler Festivalı festivalın Nizamnaməsi əsasında təyin olunmuş qaydalara uyğun olaraq ildə 1 (bir) dəfə olmaqla keçirilir. Təqdim olunan təxmini 3-5 dəqiqəlik filmlər internet sosial şəbəkələrdə yerləşdiriləcəkdir, eləcə də onlar arasından seçilmiş short-listə daxil olan filmlər Festival günü kinoteatrın geniş ekranında nümayiş etdiriləcəkdir. Qalib filmlər Festivalın məzmununa uyğun gələn ölkənin nüfuzlu peşəkarları arasından seçilmiş Münsiflər Heyəti tərəfindən dəyərləndirilərək seçiləcəkdir.

Festivalın məqsədləri:

• istedadlı və yaradıcı gənclərin (rejissor, operator, rəssam, aktyor, qrimçi və s.) üzə çıxarılması və dəstəklənməsi;
• kitab və mütaliənin cəmiyyətdə təbliği;
• mütaliəyə münasibətin yaradıcı formaların inkişafı və dəstəklənməsi;
• buktreylerlərin incəsənət və biznesdə istiqamət kimi inkişafı.

Festivalın vəzifələri:

• telekomunikasiya vasitələrindən istifadə etməklə kitabların təbliği üçün yeni imkanların yaradılması;
• kitabların təbliği üçün yaradıcılıq qabiliyyətinin və telekomunikasiya bacarıqlarının inkişafına imkan yaratmaq;
• mütaliənin təbliği üçün yeni informasiya resurslarının yaradılması;
• kitab və mütaliənin təbliği üzrə reklam aksiyaları və kampaniyalarda istifadə edilməsi üçün buktreyler kolleksiyasının yaradılması.